Hæ hæ

Þá erum við búin að gera heimasíðu fyrir litlu prinsessuna Slóðin er:

www.123.is/jensdottir

Ætlum því að hætta að blogga á þessari síðu, enda flutt frá gyngemosen

Sendið endilega inn beiðni um lykilorðið á nýju síðunni, ef þið áttið ykkur ekki á vísbendingunni

Kveðja,
Bryndís og Jens

 

Jæja, þá er það opinbert ég fékk bréf í dag sem að staðestir að ég hafi komist inn í CBS.

Ég mun byrja í september í Meistaranámi í Applied Economics & Finance sem gæti hugsanlega verið þýtt sem Fjármálahagfræði á íslenku.

Annars er allt gott að frétta af okkur hérna úti. Bryndís er á morgun, þriðjudag, komin nákvæmlega 38 vikur á leið svo að þetta fer allt að styttast, sumir halda að þetta gerist á næstu dögum en ég spái tveimur og hálfri viku.

Lífið á Solbakkanum er algjör snilld, við höfum kynnst miðbænum mun betur og enn er nóg eftir til að kynnast. Svo að við erum að skoða helling af nýju til að reyna að finna eithvað til að hafa ofan af fyrir gestunum en ætli við höfum einhverja þörf fyrir það þar sem að við erum að fara að eignast eina litla sem að á örugglega eftir að halda öllum okkar gestum mjög uppteknum. (sérstaklega ömmum og öfum).

Vinnan hjá mér er mjög skemmtileg þ,e, þegar að það er eithvað að gera fyrir mig. Ég veit ekki hvort að það séu Danir yfir höfuð eða bara IBM en það er ekki hægt að biðja mig sem nýjan nema að gera neitt nema að það sé haldinn fundur og það sé farið vel yfir allt. Þetta veldur því að yfirmaður minn þarf að eyða sodlum tíma í að setja mig inní einföldustu verkefni. Á Íslandi er ég vanur því að vera beðinn um að gera eithvað og svo var mér bara sagt að spyrja. En ég er að læra mikið á að vinna hjá svona stóru fyrirtæki og undanfarið hef ég verið að fá meira og meira að gera. Eina sem að er slæmt er að ég fæ einungis að vinna tvo daga í viku núna til að byrja með og það er líka út af því að það tekur svo mikin tíma fyrir bossinn að setja mig inní vekefni, en ég talaði við hann í dag og við ætlum að reyna að redda þessu.

 

Á laugardaginn og í dag (þurftum sem sagt að versla hann í tveimur verslunum) fengum við Barnavagn JJJ það var mjög spennandi og mikill léttir þetta hefur tekið mikið á okkur að velja þennan vagn J.

Nú er eiginlega allt komið Barnarúm, himnasæng, skiptiborð, kommóða, nappy disposable system, barnavagn, föt og ýmsir aukahlutir sem að tekur ekki að telja upp hér.

 

En jæja nú er nóg komið í bili.

 

Kveðja litla fjölskyldan á Solbakkanum.

Var að setja inn myndir af bumbuviku 34 J Ég ákvað að gera smá breytingu á hárinu, setti ljósar strípur svona fyrir sumarið. Alveg kominn tími á að breyta til J

Allt gengur vel og bumban stækkar mikið þessa dagana. Það lýtur út fyrir að ljósmæður og hjúkkur séu að fara að semja og hætta í verkfalli, sem er mjög jákvætt. Okkur verður þá ekki heint heim af spítalanum beint eftir fæðingu. Það er ótrúlegt hvað fer að styttast í þetta...næstum komin 36 vikur. Spennandi J

Hafið það gott,

Bryndís

 

Hæ hæ

Vegna fjölda áskoranna þá er búið að setja inn myndir af Jens þar sem hann er að setja saman rúmið og skiptiborðið Við erum á fullu að koma okkur fyrir hérna á sólbakkanum, það þarf allt að vera tilbúið þegar stóra stundin rennur upp Það gengur bara vel; búið að mála allt, taka upp úr öllum kössum og fara í ikea... þannig þetta er allt að koma.

Ég kláraði prófin á síðasta mánudag, mjög gott að vera búin með þau. Það tók soldið á að vera að læra svona ólétt í 25 stiga hita.. Veðrið er búið að vera alveg frábært hérna síðustu vikur, sól dag eftir dag Mjög gaman.  

Ég byrja síðan í þriggja vikna kúrs í skólanum á næsta mánudag = slembin hermun, stuð stuð. Ákvað bara að skella mér í hann og sjá svo til hvort ég geti klárað hann.

Jæja best að fara að lúlla

Bryndís

Loksins loksins.... komnar inn nýjar bumbumyndir

Hæ hæ

Held það sé klárlega kominn tími á nýtt blogg. Takk fyrir áhugann, „koma svo krakkar“ J

Það er mjög mikið búið að gerast hjá okkur síðustu daga. Um síðustu helgi fluttum við á Solbakken. Við erum alltaf að færa okkur hærra og hærra, byrjuðum í kjallara á Stýrimannastíg, fórum svo á fjórðu hæð á Gyngemosen og erum núna komin á áttundu hæð. Spurning hvort við flytjum ekki næst efst í turninn hjá Smáratorgi J

Okkur líst mjög vel á þetta hérna á Solbakkanum, þetta verður mjög fínt þegar við erum búin að koma okkur fyrir. Eins og er, er allt í kössum, dóti og málningu, en þetta kemur allt með kalda vatninu. Fórum í túr um blokkina um daginn með stoltum húsverði sem hefur verið hér í 20 ár. Það er ýmislegt sem leynist í kjallaranum og á 11.hæð, til dæmis lesstofa, bar, verkstæði til útleigu, hlaupabretti, ljósabekkur hahah

Tvö próf eftir hjá mér í skólanum, hlakka mjög til að klára það... síðan er spurning hvort maður skelli sér í þriggja vikna kúrs í júní.

Ég fékk að fara í skoðun hjá ljósmóðurinni um daginn þrátt fyrir áframhaldandi verkfall hjá þeim... það lítur allt mjög vel út. Snúran til að setja inn myndir á tölvuna er í einhverjum kassa, þannig það verður smá bið þangað til nýjar bumbumyndir koma inn.

Jens er byrjaður í nýju vinnunni og líkar mjög vel þar, spennandi vinna.

Heyrumst,

Bryndís

 

Sælt veri fólkið.

Margrét og Ómar innilega til hamingju með litlu dúlluna.

Það er brjálað að gera hjá okkur hérna úti þessa daganna. Við flytjum á nýja staðinn 15 maí, sama dag byrja ég í nýrri vinnu og í maí er mikið að gera hjá Bryndísi í skólanum og svo er auðvitað ýmislegt sem að þarf að huga að áður en að litla dúllan okkar fæðist.
Aðalmálið þessa daganna er að huga að íbúðinni á Gyngemosen svo að við fáum sem mest af trygginguni okkar til baka. Við höfum heyrt ömurglegar sögur af fólki sem að fær ekki neytt tilbaka þó svo að íbúðinni hafi verið skilað í toppstandi, þannig að við ætlum að reyna að laga og bæta allt sem að hægt er áður en við skilum. Svo er það regla á Solbakanum að mála áður en að maður flytur inn frekar en eftir að maður skilar svo að við þurfum að mála þar áður en að við flytjum inn.
Bryndís er orðin það stór að hún hefur nóg með að einbeita sér að lærdómnum, svo það kemur sér vel að vera með Vigdísi og Ingvar ásamt öðrum góðum vinum til að hjálpa að flytja og gera allt klárt.

Ég fór út að borða á síðasta miðvikudag með IBM fólkinu sem að ég er að fara að vinna með. Þetta var mjög gaman, mér líst mjög vel á fólkið og það tóku allir tillit til þess að danskan mín er enn í vinnslu. Þetta er greinilega mjög félagslynt fólk því að mér var boðið aftur út þann 9. maí sem þýðir að þá verð ég búin að fara tvisvar út að borða með þeim áður en að ég byrja að vinna sem að mér finnst soldið magnað.

Svo fór ég á úrslita leikinn í Danska bikarnum á fimmtudaginn Brøndby - Esbjerg
Fjölskyldan á Gyngemosen hefur valið að vera Brøndby aðdáendur enda unnu þeir.

Ég setti inn nýjustu Bumbumyndirnar

Var að setja inn nýjar bumbumyndir
Kv. Bryndís

Ljósmæður í Danmörku skelltu sér í verkfall í morgun.... Ég átti einmitt að fara að hitta mína í dag. Tími sem var bókaður í janúar, ákkúrat á verkfallsdegi, þannig hann var felldur niður L Er samt mjög fegin að vera ekki alveg að fara að eiga og lenda í þessu. Veit um eina sem er komin 38 vikur og hennar tími var felldur niður og henni sagt að hafa samband þegar deilan leysist....

Annars er allt fínt að frétta. Fengum óvænta heimsókn um síðust helgi, Svala var að millilenda í Köben og breytti flugmiðanum til að geta kíkt á okkur yfir helgina. Það var mjög cozy J

Ég held að sumarið sé bara komið hérna í Danmörku J J Alveg komin tími á það. Er búin að skella úlpunni og ullarkápunni aftast í skápinn, verður ekki dregið fram fyrr en næsta vetur. Eiginlega eins gott, þar sem þetta var að springa utan af mér J

Heyrumst

Bryndís

 

Sælir kæru vinir til sjávar og sveita

Það má með sanni segja að síðasta vika hafi verið viðburðarrík, en til að allir átti sig á því hversu umfangsmikil þessi vika var í lífi okkar hérna úti þá þarf ég eiginlega að fara aðeins til baka....

Þegar að við fluttum til Danmerkur fyrst var búið að plana allt saman. Bryndís byrjaði í DTU og ég ætlaði að klára mitt nám í HR og byja svo að vinna í nóvember, þegar að ég var búin að skila lokaverkefninu og allan tímann ætluðum við bara að búa á Gyngemosen.

Fljótlega kom í ljós að það var ekki jafn auðvelt að fá vinnu eins og við vorum búin að ákveða (án þess að hafa nokuð fyrir okkur í því) og að Gyngemosen er full stór biti fjárhagslega fyrir tvo námsmenn. Það byrjaði ágætlega í atvinnuleitinni, strax í nóvember komst ég í atvinnuviðtal hjá IBM á Norðurlöndunum og var boðaður í annað hjá Maersk í janúar. Það varð svo ekkert úr þessu né öðrum vinnum sem ég sótti um. Loks fékk ég vinnu á lager í lok febrúar sem að borgar ágætlega, en er ekki alveg starfið sem að planið sagði til um í byrjun.

Þegar að Bryndís varð ólétt komumst við að því að við getum sótt um á kollegi sem að heitir Solbakken (Stefán og Marsí bjuggu þar 78  ), þetta er kollegi fyrir litlar fjölskyldur. Solbakken er rosa vel staðsett, rétt hjá lestarstöð og ekki svo langt að rölta í miðbæinn. Við höfðum svo ekki fengið svar frá Solbakkanum  síðan við sóttum um.

Þá er komið að því hvað er svona merkilegt við síðustu viku. Jú vikan byrjar strax á mánudeginum með símtali frá IBM á Norðurlöndunum, þar sem að þeir biðjast afsökunar á því hvað það hefur tekið langan tíma að hafa samband við mig aftur og spurja hvort að ég hafi enn áhuga á stúdentavinnu JJ Ég svara auðvitað játandi og hitti þá á miðvikudeginum, allt leit rosalega vel út og ég á að byrja um miðjan apríl í deild sem sér um viðskipti við allar stóru fjármálastofnanirnar á Norðurlöndunum, algjör snilld. En ekki nóg með það að ég fái vinnu heldur þá heyrum við í Solbakkanum á fimmtudeginum og okkur er boðin íbúð sem við megum flytja inn í 15 maí.

Góður vinur minn sagði við mig í lok febrúar “Jens hafðu eingar áhyggjur af þessu, Good things comes to those how wait” og það má með sanni segja það hafi gerst í þessari vikuJJ

Við erum nátúrulega í skýjunum yfir þessu öllu saman  og náum valla af okkur brosinu

J J J

p.s. fljótlega koma inn nýjar bumbumyndir J

Hæ hæ

Erum búin að setja inn nokkrar bumbumyndir á síðuna  Klikkið bara hérna til vinstri.



Það er allt fínt að frétta, bumban stækkar og stækkar og spörkin verða kröftugri með hverjum deginum Fór til læknis á föstudaginn og "det ser alt superfint ud" eins og hún sagði. Ég er byrjuð í óléttujóga einu sinni í viku. Hef aldrei áður stundað yoga þannig þetta er frekar fyndið, fullt af konum með bumbuna út í loftið. Mér líst mjög vel á námskeiðið, það er ljósmóðir sem er kennarinn þannig það er mjög fínt.

Jæja, það er búið að breyta yfir í sumartíma hér í Danmörku, þannig það er eins gott að fara að koma sér í háttinn.

Kveðja,
Bryndís

  Í dag hefur aldur minn náð aldarfjórðungi 

 

Það hefur ríkt eitthvað bloggleysi hjá mér síðustu vikur. Ég biðst velvirðingar á því og lofa bjartari tímum í bloggmálum.

Það er allt fínt að frétta héðan frá Danmörkunni. Tíminn líður og ég er komin 22 vikur á leið J Heilsan er mjög góð og allt gengur vel. Bumban stækkar með hverjum deginum og maður er alltaf að verða myndarlegri J

Helgin var mjög fín. Á föstudaginn fór ég í vísindaferð hjá íslendingafélaginu í DTU, það var VGK-Hönnun sem var með kynningu. Fæ létt flashback frá HÍ-árunum við að fara í svona „íslenska“ vísindaferð. Á laugardaginn komu svo Tóta, Bjöggi, Gróa og Arna Liv í mat hingað í Gyngemosen.

Fékk þá spurningu um daginn, hvort það ætti að breyta linknum á heimasíðunni þegar við flytjum frá gyngemosen... maður spyr sig

Það fer óðum að styttast í páskafrí... Það er von á rosa góðri heimsókn á fimmtudaginn, verkfræðigengið: Sigríður Vala, Svala, Helga og Guðbjörg. Það verður rosa stuð og ég hlakka mikið til J Býst við miklu slúðri, búðarrápi, góðum mat og fleira og fleira J

Hafið það gott

Bryndís

Ég fann fyrsta sparkið í gær (þrisvar sinnum) algjör snilld.

Kveðja Jens

Jæja þá er komið að því fyrsta foreldrakvöldið er á morgun. Ég og Bryndís förum og hlustum á fyrirlestur á dönsku (sem að er nú kannski bara hollt uppá dönskuna að gera) um það hvernig við eigum að haga okkur sem foreldrar. Ég held nú að mér veiti ekkert af því. Þetta er að kicka inn þessa dagana það er farið að sjá á Bryndísi þannig að raunveruleikinn yfir þessu öllu saman er einhvernmegin miklu meiri og mér finnst þetta allt saman vera mjög jákvætt

Ég og Bryndís fórum til Aarhus um síðustu helgi að heimsækja Elvar og Ósk. Það var mjög gaman að sjá hvernig lífið er þarna hjá þeim, ég gef þeim mitt samþykki þetta lítur mjög vel út og þeim virðist líða mjög vel þarna. Við skoðuðum bæinn á laugardeginum, mjög fallegur bær, svo elduðum við góðan mat um kvöldið og tókum Ögmundarvist. Ögmundarvistin fer um víðan völl. Þeim fannst mjög gaman að læra þetta frábæra spil og ætla að kenna spilafélugum sínum í Aarhus það. Á sunnudeginum skoðuðum við svo „Den gamle by“ sem að er mjög svipað Árbæjarsafninu á Íslandi, það var virkilega gaman að sjá það. Það eina slæma við ferðina var lestarferðin, Aarhus er full langt í burtu.

Bryndís byrjaði svo í skólanum núna á mánudaginn og mér sýnist á öllu að henni lítist mjög vel á önnina framundann. Hún er staðráðin í því að kynnast dönum og náði að skella sér í danska groupu í skólanum, þannig að nú fer hún vonandi að geta æft sig meira í að tala dönsku í skólanum.

Ég er enn atvinnulaus þetta er farið að vera létt pirrandi ég sæki um vinnur út um allt og annaðhvort er ég ekki með næga reynslu, ekki nógu góður í dönsku eða með of mikla menntun. En það fer nú  vonandi eithvað að ske núna maður er með nokkur járn í eldinum. Svo er ég að byrja að sækja um í skólum fyrir næsta haust, ég ætla að sækja um í CBS og í Kaupmannarhafnar Háskóla, langar frekar í CBS en það er alltaf gott að hafa plan B.

Nú er stefnan sett á að flytja og þá helst nær bænum og í eittvað sem er aðins ódýrara. Við sóttum um á Kollige um daginn sem að heitir Solbakken. Stefán, Marsí og Hrafnkell bjuggu þar fyrir nokkrum árum síðan, þannig að draumurinn er að komast í sömu íbúð og þau voru í

Annars er allt gott að frétta af okkur, öllum líður vel og eru hressir. Bið að heilsa öllum og þakka fyrir öll commentin.

Kveðja JJ